انا مش هنا
موجوده اه
باكل وباشرب وباقوم بواجباتي العادية
بكلم الناس وبيكلموني
لكن انا ساعات باحس انه حلم
وان كل اللي حواليا ده مش حقيقي
وانه لازم الحلم هيخلص في يوم ما
وهاصحى و
ومش عارفه هلاقي ايه
احسن من اللي موجود والا اوحش
المهم اني مصدقة انه حلم
وان هييجي يوم وهاصحى
وان دي مش انا
انا هناك
مستنياني لما اصحى
والاقيني
ياترى ده تفسيره ايه؟
6 comments:
يا خبر ابيااااااااااااااااض
ايه ده
لا بصي انتى بجد مالكيش حل معايا كل اللى بتقوليه انا بحس ان انا اللى بتكلم
دايما بقول لكل المقربين منى انى حاسه ان الانسانه اللى بتتعامل معاهم مش انا انا حاسه انى كانى عايشه فى بيت زجاج وببص منه على العالم اللى بره واللى معاكم دى هى البيت الزجاج بس انا جوه :)
ونفس احساسك
بس على فكرة احساسك ده حقيقي
لان فعلا الحياة الدنيا كحلم و والموت بيكون اليقظة لاننا بنشوف كل الحقيقه يوم القيامة
قال علي بن أبي طالب رضي الله عنه
الناس نيام إذا ماتوا انتبهوا
المصدر
http://www.islamweb.net/ver2/Fatwa/ShowFatwa.php?lang=&Id=73376&Option=FatwaId
يا سبحان الله كنت ناويه اقولك نفس كلام عصفورنا
الناس نيام فاذا ماتوا انتبهوا ...حقا
اسال الله ان يجعل الحقيقه اللي تستيقظي عليها ان تري وجه النبي صلي الله عليه وسلم ويمد يده اليك بشربه هنيئه من حوضه الكوثر
وعلي صوتك الجميل وو يردد هااااااااااااااااؤم اقرؤا كتابيه
نو نو نو
مش خزعبلات أبدا
دا بحق وجد وحقيقي
:)
ftataljanna
كلامك سليم
بس انا كان قصدي ان الدنيا نفسها وحياتنا بكل تفاصيلها بالنسبة لي حاسة انها مش حقيقية
فيه حاجة غلط
دي مش الحياه
وانا مش انا
وده نوع من الياس ان الواحد يصورله عقله الباطن انه في حلم وهيصحى
لانه مش قادر يغير او يتعايش او يتعامل مع الحياه والناس من حوله
فاسهل حاجة يتخيل ان انا نايم
ده مش بجد
ربنا يكون في العون
************
عصفور المدينه
صدق رسول الله صلى الله عليه وسلم
تحياتي لمرورك الكريم
**********
karamella
جزاك الله خيرا
انا وانت والمسلمين آمين
تحياتي لمرورك
ma_3alina
ماشي كلام سيادتك
بس كنت اتمنى تفيدني برايك اكتر من كده
:)
Post a Comment