Saturday, August 4, 2007

خزعبلات .. جايز




انا مش هنا
موجوده اه
باكل وباشرب وباقوم بواجباتي العادية
بكلم الناس وبيكلموني
لكن انا ساعات باحس انه حلم
وان كل اللي حواليا ده مش حقيقي
وانه لازم الحلم هيخلص في يوم ما
وهاصحى و
ومش عارفه هلاقي ايه
احسن من اللي موجود والا اوحش
المهم اني مصدقة انه حلم
وان هييجي يوم وهاصحى
وان دي مش انا
انا هناك
مستنياني لما اصحى
والاقيني
ياترى ده تفسيره ايه؟

6 comments:

ftataljanna said...

يا خبر ابيااااااااااااااااض

ايه ده

لا بصي انتى بجد مالكيش حل معايا كل اللى بتقوليه انا بحس ان انا اللى بتكلم

دايما بقول لكل المقربين منى انى حاسه ان الانسانه اللى بتتعامل معاهم مش انا انا حاسه انى كانى عايشه فى بيت زجاج وببص منه على العالم اللى بره واللى معاكم دى هى البيت الزجاج بس انا جوه :)

ونفس احساسك

بس على فكرة احساسك ده حقيقي

لان فعلا الحياة الدنيا كحلم و والموت بيكون اليقظة لاننا بنشوف كل الحقيقه يوم القيامة

عصفور المدينة said...

قال علي بن أبي طالب رضي الله عنه

الناس نيام إذا ماتوا انتبهوا

المصدر
http://www.islamweb.net/ver2/Fatwa/ShowFatwa.php?lang=&Id=73376&Option=FatwaId

karamella said...

يا سبحان الله كنت ناويه اقولك نفس كلام عصفورنا
الناس نيام فاذا ماتوا انتبهوا ...حقا
اسال الله ان يجعل الحقيقه اللي تستيقظي عليها ان تري وجه النبي صلي الله عليه وسلم ويمد يده اليك بشربه هنيئه من حوضه الكوثر
وعلي صوتك الجميل وو يردد هااااااااااااااااؤم اقرؤا كتابيه

ma 3lina said...

نو نو نو
مش خزعبلات أبدا
دا بحق وجد وحقيقي
:)

لحظة said...

ftataljanna

كلامك سليم
بس انا كان قصدي ان الدنيا نفسها وحياتنا بكل تفاصيلها بالنسبة لي حاسة انها مش حقيقية
فيه حاجة غلط
دي مش الحياه
وانا مش انا
وده نوع من الياس ان الواحد يصورله عقله الباطن انه في حلم وهيصحى
لانه مش قادر يغير او يتعايش او يتعامل مع الحياه والناس من حوله
فاسهل حاجة يتخيل ان انا نايم
ده مش بجد

ربنا يكون في العون
************

عصفور المدينه

صدق رسول الله صلى الله عليه وسلم
تحياتي لمرورك الكريم

**********

karamella

جزاك الله خيرا

انا وانت والمسلمين آمين
تحياتي لمرورك

لحظة said...

ma_3alina

ماشي كلام سيادتك
بس كنت اتمنى تفيدني برايك اكتر من كده
:)

عن أبي ذر الغفاري رضي الله عنه عن النبي - صلى الله عليه وسلم - فيما يرويه عن ربه عز وجل أنه قال : ( يا عبادي إني حرمت الظلم على نفسي وجعلته بينكم محرما فلا تظالموا ، يا عبادي ، كلكم ضال إلا من هديته ، فاستهدوني أهدكم ، يا عبادي كلكم جائع إلا من أطعمته ، فاستطعموني أطعمكم ، يا عبادي كلكم عار إلا من كسوته ، فاستكسوني أكسكم ، يا عبادي ، إنكم تخطئون بالليل والنهار ، وأنا أغفر الذنوب جميعا ، فاستغفروني أغفر لكم ، يا عبادي ، إنكم لن تبلغوا ضري فتضروني ، ولن تبلغوا نفعي فتنفعوني ، يا عبادي ، لو أن أولكم وآخركم وإنسكم وجنكم كانوا على أتقى قلب رجل واحد منكم ما زاد ذلك في ملكي شيئا ، يا عبادي لو أن أولكم وآخركم وإنسكم وجنكم كانوا على أفجر قلب رجل واحد ما نقص ذلك من ملكي شيئا ، يا عبادي لو أن أولكم وآخركم وإنسكم وجنكم قاموا في صعيد واحد فسألوني فأعطيت كل إنسان مسألته ما نقص ذلك مما عندي إلا كما ينقص المخيط إذا أدخل البحر ، يا عبادي إنما هي أعمالكم أحصيها لكم ثم أوفيكم إياها ، فمن وجد خيرا فليحمد الله ، ومن وجد غير ذلك فلا يلومن إلا نفسه ) . تخريج الحديث أخرجه مسلم ولم يخرجه غيره من أصحاب الكتب الستة.