الولد الصغير نفسه يلعب كورة
اشتركوله في نادي صغير فضل شهور مواظب على التمرين
غاية امله انه يلعب ماتش كبير ويجيب كام جون
بس المدرب كان دايما بيحطو ورا
موقفه دفاع
ده ان ماكانش قاعد احتياطي
وهو هيموت ويطلع قدام ويجيب جون
واكبر دور خده لحد دلوقت
انه يحرس واحد من الفريق التاني
لعيب شاطر
يفضل لازقله عشان يمنع الكورة توصله
المدرب شايف ان احسن دور ليه هو ده
وان قدراته تؤهله يلعب ورا مش قدام
طيب
بس الولد مالعبش
ولسه ما جابش جون
امنيته وحلمه مالهاش مكان من الاعراب
لان اللي بيحكم ويتحكم
قدراته والمدرب ومصلحة الفريق
وهو لسه بيحلم
يلعب قدام
ولسه بيحلم يجيب جون
6 comments:
في حل من اتنين
انه يتأقلم و يحلم بإنه يمسك اللعيب ده كويس و يكون نجم الدفاع و في الحالة لو ركز هيكون أفضل كتير
انه يهجم في مرة و يبين مهاراته عشان المدرب ياخد باله منه
خطوة جريئة .. بس لازم تكون محسوبة عشان هي مبتجيش غير مرة واحدة
يا إما المدرب هيطلعوا مهاجم و يحط اجوان براحته .. يا هيرميه على دكة الاحتياطي
عجبني اسلوبك جدا جدا
تحياتي
هو أنا رأي الشخصي في الموضوع ده
أن حجم المهمة ليس له علاقة بقدرات منفذها
مادام قادر علي تنفيذ المطلوب منه بنجاح
فالبناء العظيم يتكامل بوجود مسمار صغير جداً في أساسه
ولكن الأمر يختلف تماماً عن الطموح والأرتقاء
وأيضاً موضوع القيادة التي توزع الأدوار كل في مكانه
فأذا نجح كل في مكانه أذا فالقائد نجح بنجاح أعضاء فريقه
كنت دائماً أعلق علي حارس المبني الذي يتأخر في ضغط زر لفتح البوابة عند مرور السيارات
العامل مهمته الوحيدة هي الضغط علي هذا الزر عندما تأتي السيارة
وفي كل مرة يتأخر
كنت أحدث نفسي عن أتقان العمل مهما كانت بساطته
أعذره وأعلم ما به من ملل
هو عشان صغير...هعديله فكرة انه لازم يجيب جون
لكن اما يكبر شوية هنفهمه انه مش لازم يجيب جون..يمكن مش لازم يظهر في الملعب...بس تأثيره كان اد ايه هو الأهم
بالمناسبة انا ماكنتش بآجي هنا لاني مسيف في المفضلة العنوان القديم وكان دايما ما بيخشش معايا
ويا ستي انتي كاتبة كلام كبير أكثر من اللازم عني في تدوينة قديمة شوية...جزاك الله خيرا لكن ده اعلى بكثير مني
انا مع بينو والصارم الحسام
مش لازم كلنا نجيب جون وخصوصا فى العمل الجماعى لازم كلنا نساعد بعض لاحراز الاهداف لان كلنا بنكمل بعض للوصل لهدف واحد هو احراز الهدف لكن انه هو لازم انه يجيب جون اعتقد دة فكر انانى شويه
علاء
فكرتك كويسه
بس هو ماتزم بموقعه
لانه مش هيقدر يتحمل ذنب انه يضيع الجون لو هجم بحركة جريئه او يتسبب لهم في ضربة جزاء هو عارف موقعة وامكانياته وفاهم واجبه وبيسمع الكلام
تحياتي
*********************
bino
لك جزيل الشكر
كل منا يجب ان يقوم بواجبه
كل من عنده ذرة من ضمير لا يتخلى عن موقعة ولا يضيع الناس المسؤول عنهم
تحياتي
************************
الصارم الحاسم
اسعدني جدا مرورك
الولد بيحلم
بس بيحلم لكن قايم بدوره
والكلام مش اعلى من حضرتك ولا حاجة ده اقل كتير
تحياتي
************************
رفقة عمر
الحلم من حقنا جميعا
ولو لاحظت الولد بينفذ التعليمات وئابت في موقعه
لكنه لسه بيحلم
تحياتي
************************
علاء
علم وينفذ
تحياتي
***********************
اهم حاجة فعلا .. ان يبذل كل مجهوده وكل طاقته فى مكانه اللى اتحط فيه .. وإنه عمره فى يوم ما يستسلم أبدا .. وربنا يعينه ..
ذكريات فى جامعة المنصورة
Post a Comment