يا جماعه حد يساعدني
ظروفي بتخلي نومي متقطع بشكل عام .. يعني انام ساعتين واصحى.. 3 ساعات واصحى ..
كرهت صوت منبه الموبايل اللي على طول زابطاه
ممكن اسرق نص ساعة نوم وازبط المنبه
حتى الايام اللي بقدر انام فيها 5 ساعات متواصل وبعدين انام 4 ساعات متواصل بعدهم برضه بيحصل فيهم نفس المشكلة
اللي هي
اني بنام على نفسي في اي مكان وفي اي وقت من اليوم وانا قاعده مع الناس وبيكلموني
انا باشرب القهوة وانام ما بيحوقش معايا حاجة
راسي تتقل كاني شاربة حاجة وعيني تحرقني لو قاومت وما غمضمضطهاش
باحاول اصحى الفجر عشان احفظ واراجع الاقيني من الساعة 4 لحد 5 ونص بافقر على المصحف وما حفظتش آيه
فيه ناس قالولي يمكن عندك حالة مرضية او الضغط منخفض
انا اسمع ان فيه ناس بيكفيهم النوم القليل
نفسي ابقى زيهم
اعمل ايه
ظروفي بتخلي نومي متقطع بشكل عام .. يعني انام ساعتين واصحى.. 3 ساعات واصحى ..
كرهت صوت منبه الموبايل اللي على طول زابطاه
ممكن اسرق نص ساعة نوم وازبط المنبه
حتى الايام اللي بقدر انام فيها 5 ساعات متواصل وبعدين انام 4 ساعات متواصل بعدهم برضه بيحصل فيهم نفس المشكلة
اللي هي
اني بنام على نفسي في اي مكان وفي اي وقت من اليوم وانا قاعده مع الناس وبيكلموني
انا باشرب القهوة وانام ما بيحوقش معايا حاجة
راسي تتقل كاني شاربة حاجة وعيني تحرقني لو قاومت وما غمضمضطهاش
باحاول اصحى الفجر عشان احفظ واراجع الاقيني من الساعة 4 لحد 5 ونص بافقر على المصحف وما حفظتش آيه
فيه ناس قالولي يمكن عندك حالة مرضية او الضغط منخفض
انا اسمع ان فيه ناس بيكفيهم النوم القليل
نفسي ابقى زيهم
اعمل ايه
18 comments:
السلام عليكم ورحمة الله وبركاته
طبعا دي حالة مرضية وبصفتي مهندس أقدر أقولك
تقللي من السكريات
وتعملي تحاليل أعتقد ممكن فيه بعض الغدد بتأثر في الموضوع ده أعتقد الغدة الدرقية وفي نفس الوقت تدققي كويس في العادات والأشياء المتكررة اللي بتعمليها يمكن فيها حاجة غلط
وبخصوص الحفظ ما تحفظيش وانت قاعدة اتمشي ولو في الشقة
شفاك الله وعافاك
تعالى يا حيبتى خدى منى شوية ارق
حتفضلى صاحية مزنهرة 24 ساعه فى اليوم وممكن 73 ساعه فى اليوم برضه
انتى بس حاولى تعودى جسمك على انك مثلا تنامى 5 ساعات وبعد كدا اشغلى نفسك فى اى حاجه حتلاقى الوقت بيعدى
وان شاء الله حتلاقى نتيجة حلوة
وسع يا جدع الدكتوره المحاسبه فرنسا وصلت
شوفى يا بنتى
بما انك قلتى ظروفى وباظبط المنبه
يبقى فى حاجه بتجبرك على الصحيان
لازم تظبطى حياتك الاول
لحسن تتعبى
نامى
افردى نفسك
خدى نفس طويل
اخرسى
افتحى بقك وقولى اهه
بس قومى
شوفى يا بنتى انا استنتجت من الكشف عليكى والفحوصات وبخبرتى الطويله
انك مش بتنامى كويس
صح
والله أنا كمان تعبت من الموضوع ده يا لحظة
نومي خفيف جدا وباقلق لأقل حاجة
وده بيخليني أقوم الصبح للشغل تعبانة ومش واخدة كفايتي من النوم
واشرب قهوة ونسكافيه بس برضه بابقى على استعداد لإني أغمض عنيا في أي وقت
لدرجة إن رئيسي المباشر في الشغل بقى بيستغرب مني جدا لما يلاقيني باطلب منه شغل
مش فاهم إن دي الحاجة الوحيدة إللي بتنبهني وتخليني صاحية
لكن لو لقيت نفسي فاضية ألاقي عنيا بتجيب جاز على طول
:D
السلام عليكم
مريت على مدونتك بالصدفه وعجبتني جداً بما فيها من مواضيع هادفة وآراء متزنة
بالنسبه لموضوع البوست دا فأنا هاتابع معاكي التعليقات علشان لو حد كتب حل كويس أطبقه انا كمان لأن نفس المشكله عندي .
تحياتي
لحظه
بصى ياستى هو أنا معنديش حل لمشكلتك بس مدام فى شك أنها تكون حاله مرضيه فليه متحاوليش تشوفى الموضوع ده وان شاء الله يكون خير
بس لو غلبتى بقى وملقتيش حل
فانا مستعده اطبق معاكى أتفاقيه أنك تأخدى منى الارق بتاعى وأنا أخد منك النوم بتاعك
نفسى أنام ساعتين على بعض مش خمسه متواصل
تحياتى يا باشا
عصفور المدينة
وعليكم السلام ورحمة الله وبركاته
بيتهيالي اشوف موضوع التحاليل ده زي ما حضرتك قلت
ومتشكرة على نصيحة الحفظ
المعلمة بتاعتي لما تظبطني بانام في الحلقة بتقوللي قومي اقفي
جزاك الله خيرا
---------------
Desert cat
ربنا يحميكي ويرفع عنك الارق
في الحقيقة هو برضة مشكله
لو ينفع نلخبطهم على بعض
كانت النتيجة تبقى ممتازة
شكرا للزيارة
---------------
فرنسا هانم
صح يا فندم
شرفتي مدونتي المتواضعة
اتفضلي شاي
شفتي انا عرفت ازاي؟
:)
-------------
طعمة
طبعا الانشغال بيخلي الواحد يفوق
لكن نا على طول عايزة انام
نورتيني
-------------
alaa salim
نورت المدونه
وشكرا على الاطراء الذي لا استحقه
والمدونه والتعليقات تحت امرك يافندم
تحياتي
------------
3ala asm masr
اهلا بيكي
انا موافقة على الاقتراح
بس موضوع الخمس ساعات ده استثناء
العادي بتاعي ساعتين فس ساعة ونص في ربع ساعة
شكرا لزيارتك
مش عارف انا شايف انها حاله عرضية
ممكن يكون ذهنك مشغول باكثر من شىء فى تفس الوقت ونومك لا يكون باستغراق
وان شاء الله مفيش تحاليل ولا حاجة وكله تمام
اشربى لبن بدون سكر
هى اكيد مشكلة كبيرة عدم انتظام ساعات نومك
لكن انا اللى اعرفه ان الجسم بياخد كفايته من النوم بعد 3 ساعات فقط وان مدة النوم زادت عن كده بتيقى من غير فايدة مباشرة للجسم
وكمان الاطباء بيقولوا ان النوم المتقطع افضل
والكلام ده كله بيتطابق مع ذكر القرآن لنوم النبى عليه السلام لانه كان بينام نوم متقطع تقريبا على مدد تتراوح بين 3 ساعات وساعتين او ماشابه
مش عارف اذا كان كلامى ده ممكن يساعدك ولا لا
لكن الاكيد ان اللى بتواجهيه مش شىء مرضى وممكن تتعودى عليه
ربنا ينفع بك
سلام
اما انا فأنام كمن سقط فى بئر
مشكلتى ان خمس ساعات لا تكفينى ابداً ولا استطيع ان ازيد عليها
وابحث مثلك عن قليلى النوم لعلى اجد عندهم نصيحه
هو انا اعرف ان فيه هرمونات معينه مرتبطه بالنوم
منها الكورتيزون
ده يعنى على اد معلوماتى الطبيه
بس هو انتى لو اتبعتى سنه الرسول عليه افضل الصلاه والسلام ونمتى بعد العشا (بس يعنى مش بعدها على طول ممكن تنامى على عاشره كده )
وصحيتى على الفجر بيتهيالى كده هتدخلى فى سبع ساعات متواصلين هما حلوين جدا جدا وهيخلوكى فايقه باقى اليوم
وممكن بعد الظهر تقيليلى ساعه كده
هو الموضوع هيبقى متعب فى الاول لحد ما تتعودى وبعد كده هتلاقى ساعاتك البايولوجيه بقت متعوده على ميعاد نومك وميعاد صحيانك
ربنا يكرمك
تقبلى مرورى وتحياتى
السلام عليكم
ازيك يالحظه ياقمرعامله ايه
واخيارك ايه شكرا على سؤالك
وانت كمان وحشتينى بس انا والله عندى كسل تتدوينى فظيع
ومش بتاع المدونات الا قليل جدا
وكمان مش باكتب كتير
حتى بانزل بوستات صور وبس
ربنا يسهل والكسل دة يبعد عنى وارجع لنشاطى تانى
السلام عليكم
حاولى تنامى فى أوقات يستريح فيها الجسم اكبر استفادة مثلا النوم باليل بالذات فى الفترة من 11 لغايت 1 بليل طبعا يقوم الجسم مستريح اكتر ما ينام خمس ست ساعات بالنهار
حاولى تنظمى وقت نومك بمعنى انه يكون ثابت فى أوقات محددة
ده ممكن يكون متعب فى البدايه لكن بعد كده هيكون شىء طبيعى
بس ابقى متنسنيش
نسألكم الدعاء
زائد
قبل هذا وكل هذا
استعن بالله ولا تعجز
طبعا مش هاسالك انت فين
لانى عارفه المدارس وكدة شغلك
ربنا معاكى بس ابقى طمنينا عليكى ياريت
على فكرة انا زيك بالظبط والحالة دى محرجة لما بتكونى وسط الناس ساكتة وملكيش نفس تتكلمى وكل الى بيدور فى دماغك انك بتفكرى تنامى
بحس ان الناس بتفتكر انى شاربة حاجة مش تمام
ههههههه
ده عشان عندم الانتظام فى النوم ..هما ساعغتين بالليل واقوم من نفسى بحس ان النوم خلص اصحى الفجر وافضل لحد الساعة 10 الصبح واروح انام لحد العصر او المغروب وساعات والله لبعد العشا واصحى لحد الساعة 2 او 1 وانام تانى
الحالة دى مش مخلية المخ يعمل بانتظام
وبتبقى مشكلة لو خارجة بدرى عشان اى مشوار بيبقى بمثابة انتحار وعينيا بتبقى وارمة وحمرا
الحل هيا انك تنشغلى بحاجة زى الشغل او الدراسة تصحيلها بانتظام
انا برضه بنام كتييييييييير جداو مع ذلك فى اقرب فرصة اكون قريبة من السرير بنسى كل اللى ورايا
بس الحمد لله مش بنام وسط الناس
ومعرفش ايه تفسير الحكاية دى؟
السلام عليكم ورحمة الله وبركاته
بصى اختنا لكريمة هو الموضوع صعب جدا انا حاسس بيكى فعلا لانى بتجيلى اوقات بيحصل معايا كده بالضبط
ارق لا سبب له ولا علاج له
جربت كل شئ لم ينفع معه لا الزولام
او التيرياكتين بس ده متجربهوش لانه هيتسبب فى شراهه غير عادية لكلا من الاكل والنوم
المشكلة فى هذا النوع من الارق انه بيجى بدون اى سبب نهائيا
ساحاول ان اسدى لك بعض النصائح التى قد تساعدك فعلا على النوم ولو حتى لفترة قليلة ولكن بانتظام
اولا عليك بتعريض نفسك لضوء الشمس فترة طويلة من الوقت واذا كان عملك فى مكان مظلم او معظم اوقاتك داخل المنزل عليك باضاء اكبر كم من الانارة فى المكان الذى تتواجدى فيه
ثانيا عليك بشرب اكبر كمية ممكنة من الماء طبعا دون افراط يعنى 2 لتر يعتبر جيد
ثالثا
عليك بنوم القيلوة وهو على عكس ما يفهمه البعض ان الانسان يغط فى النوم فى القيلولة وهذا خطأ
القيلولة يجب ان تكون من نصف ساعة الى خمسة واربعون دقيقة وليس اكثر وليس شرطا ان ينام الانسان فيها بل يكفيه اراحة جسدة على السرير واراحة عقلة من التفكير
رابعا
التعود على الذهاب الى الفراش فى معاد محدد كل يوم لا تخلفيه حتى ولو لم تشعرى بالنعاس فى هذا الوقت
او حتى قضيتى فترة طويلة على السرير قبل النوم
لو اتبعتى هذا البرنامج لمدة شهر تستطيعين ان تنامى فقط من 4 الى 5 ساعات بالاضافة الى نصف ساعة قيلولة وبعددها ستجدين انك غير محتاجة الى اى قسط اخر من النوم
ويارب تصحى وانت صاحية
Post a Comment